حكاية حب

قابلتك هيا دى البداية
دى صدفة ولا اية الحكاية
عشقتك كلمة مش كفاية
روحى كانت بتناديك

حاسة زى ما تكون معايا
بسرح من شوقى و هوايا
بحبك مش هيا النهاية
نفسى اكمل عمرى بيك

بعيد بس انت فى خيالى
عليا خلاص بقيت مالى
كل سنينى و ايامى
محتاجة ليك

من غير ما حتة اقدر اشوفك
بحسك و بحس بخوفك
عليا من الناس و الدنيا
دوبنى فيك

قبلك حبيبى كنت فاكرة
انى عايشة طلعت لا
دلوقتى انا مبقتش قادرة
بعدك مفيش ابدا حياة

باتمنى يوم تبقى قصادى
هارتاح فى حضنك بين ايديك
يدق قلبى الى كان فاضى
اول ما تيجى عينى فى عنيك