yama_nefsy سنة اولى حب
المساهمات : 113 تاريخ التسجيل : 13/01/2008
| موضوع: احســـــــــــــــــــــــــــــــاس جميـــــل لما الجمعة يناير 25, 2008 6:41 pm | |
| [size=12]احساس جميل لما تكون فى قمة حزنك واحباطك وخلاص حاسس ان الدنيا انتهت من حواليك وانت اصبحت لا شىء وان كل ما تعمل حاجة برضوا مفيش فايدة..لكن فى عز الحالة ديه تلاقى ربنا يديك حاجة تفرحك تحسسك ان لسه فى امل والدنيا لسه بخير مش بالبشاعة اللى انت كنت شايفها بيها سواء عوضك باصدقاء يوقفوا معاك فى ازماتك وافراحك او فرصة تانية بدل اللى ضاعت منك او ..او..وغيرها من الحاجات اللى ربنا بيكرم بيها الواحد بدل من اللى راحت منه ... ... تحس بجد ان ربنا يطبطب عليك ويقولك متزعلش ..والحكاية ديه حصلت ليا كتير اوى .. احساس جميل وفوق ما تتصور لما تيجى تسجد فى الصلاة وتفضل تشتكى لربنا همك ومشاكلك ... وتحس انه بيسمعك وانت على يقين انه هيستجيب ليك فى اى حاجة تطلبها احساس ميتوصفش لما ترفع صباعك فى التشهد وتقول " اشهد ان لا اله الا الله "وتقولها وانت بتفكر اد ايه ... كانت العبارة دى بتطير فيها رقاب ايام الجاهلية وازاى حارب الرسول عليه الصلاة والسلام من اجل اعلائها ...وانت بتقولها دلوقتى بمنتهى البساطة من غير خوف ..احساس جميل لما تحس انك قدمت خدمة لحد او ساعدته وفرجت على حد ضيقة كان فيهاا ..بجد احساس ميتوصفش احساس جميل لما تضحك حد وهو حزين ... احساس جميل لما تلاقى ناس كنت فاكرهم نسينيك مكنتش تتخيل انهم لسه فاكرينك احساس جميل لما تقف قدام البحر وتفرد ايديك وتمشى على الصخور وتشم ريحة البحر.. وتغمض عنيك بجد هتحس انك لمست السما بايديك وليك جناحين ممكن تتطير بيهم فى اى وقت .. احساس جميل لما تلاقي حد بيحبك كده في الله ويخاف عليك من غير اي مصلحة ...احساس جميل لما ترضى مامتك وباباك.وقبلهم ربنا .. .. احساس جميل لما تنام وانت مرتاح الضمير ... احاسيس كتير جميلة بتخلينا نكمل حياتنا القاسية ديه ...وتخفف علينا الصدمات ... واخيرا ...احساس جميل انى بكتب ليكم دلوقتي
تحياتي.. ومستنية احاسيسكم الجميلة تشاركوا بيها
[/size] | |
|